شعر فى الفخر

ﺩﻳﻞ ﺍﻭﻻﺩ ﺟﻌﻞ ﻳﺎﻫﻢ ﺭﻛﺎﺯﺗﻲ ﻭﺳﻴﻔﻲ
ﻓﻲ ﺍﻟﺒﺤﺮ ﺍﻟﻠﺠﻮﺝ ﻳﺎﻫﻢ ﺑﻤﺜﻠﻮﺍ ﻗﻴﻔﻲ
ﻭﺍﻥ ﺷﺢ ﺍﻟﻤﻄﺮ ﻋﻘﺒﺎ " ﺑﻴﺒﻘﻮﺍ ﺧﺮﻳﻔﻲ
ﺍﻥ ﻏﺐ ﻛﺎﻥ ﺣﻀﺮ ﺗﻮﺍ " ﺑﻴﻘﻔﻠﻮ ﺳﺮﻳﻔﻲ
.............
ﻭﻧﺎﺱ ﺩﺍﺭ ﺟﻌﻞ ﺍﻣﻲ ﻭﺃﺑﻮﻱ ﻭ ﺃﺧــــــــﻮﺍﻧﻲ
ﺑﻌﺪﻳﻦ ﻓﻲ ﺍﻟﻮﺻﻒ ﻓﻲ ﺍﻟﺤﻴﻄﺔ ﻫﻢ ﺟﻴﺮﺍﻧﻲ
ﺍﻓﺨﺮ ﻭﺍﺗﻨﻔﺦ ﻟﻠﺨﻮﺓ ﺩﻳﻞ ﻋــــــــــــــــــﻨﻮﺍﻧﻲ
ﻭﻓﻲ ﺍﻻﺧﺮﺓ ﺍﺣﺘﺴﺐ ﺑﻴﻬﻢ ﺗﻘﻴﻞ ﻣــــﻴﺰﺍﻧﻲ
..............
ﺑﻨﻮﺕ ﺩﺍﺭ ﺟـــــــــﻌﻞ ﺟﻮﺍﻱ ﺍﻛﺘﺮ ﻣﻨﻲ
ﺩﺓ ﺍﻟﺨﻼﻧﻲ ﺍﻧﻈﻢ ﻓﻲ ﺍﻟﻘﺼﻴﺪﺓ ﻭﺍﻏﻨﻲ
ﺩﻭﺑﻴﺖ ﺍﻟﺸﻌﺮ ﺳﻠﻄﺎﻧﻮ ﻏﺎﻟﺐ ﺟــــــﻨﻲ
ﻭﻣﻦ ﺩﻭﻧﻢ ﺍﻋﻴﺶ ﻭﺍﻟﻠﻪ ﺗﺐ ﻣﺎ ﺍﻇــــﻨﻲ
...............
ﺑﻨﻮﺕ ﺩﺍﺭ ﺟﻌﻞ ﻫﻢ ﻧﻔﺴﻲ ﻳﺎﻫﻢ ﺯﺍﺗﻲ
ﻭﻣﻦ ﺧﺸﻴﺖ ﻫﻨﺎ ﺭﺍﺣﻦ ﺧﻼﺹ ﺍﻫﺎﺗﻲ
ﺑﻘﺖ ﺍﻟﺪﺍﺭ ﺩﻱ ﺩﺍﺭﻱ ﻭﻣﺎﻟﻴﺔ ﻛﻞ ﺣﻴﺎﺗﻲ
ﻟﻘﻴﺖ ﻓﻴﻬﺎ ﺍﻟﺘﻠﻮﺏ ﻭﻟﻘﻴﺖ ﻛﻤﺎﻥ ﺍﺧﻮﺍﺗﻲ
..............
ﻭﻳﺎﻧﺎﺱ ﺩﺍﺭﺟﻌﻞ ﺍﻧﺎ ﺩﺍﻳﺮ ﺍﻗﻮﻟﻬﺎ ﺻﺮﺍﺡ
ﻏﻴﺮ ﻓﻲ ﻫﺎ ﺍﻟﺪﻳﺎﺭ ﺍﻧﺎ ﻣﺎﻧﻲ ﻗﺎﻋﺪﺓ ﺍﺭﺗﺎﺡ
ﺍﻧﺘﻮ ﺍﻟﻔﻲ ﺍﻟﻨﻀﻢ ﻋﺮﺑﺎ ﺷــــــﺪﺍﺩ ﻭﻓﺼﺎﺡ
........
ﻭﻣﻦ ﺍﻟﺴﻔﻴﺮ ﻟﻴﻜﻢ ﺟﺖ ﺳﻼﻡ ﺑﺎﻟﺠﻤﻠﺔ
ﻱ ﺃﻫﻞ ﺍﻟﻔﻀﺎﺋﻞ ﻭﺍﻟﻤﻜﺎﺭﻡ ﺟﺖ ﻣﻜﺘﻤﻠﺔ
ﻛﺎﻥ ﺑﻠﻘﻰ ﻣﺮﺍﺿﻲ ﻭﻳﺪﻱ ﺗﻜﻮﻥ ﻣﻨﺰﻣﻠﻪ
ﻣﺎﺭﻛﺔ ﺩﺍﺭﺟﻌﻞ ﺩﺍﻳﺮ ﺍﺷﻮﻓﺎ ﻓﻮﻕ ﺃﻱ ﻋﻤﻠﺔ